Op vriedig d’r 14de jannewarie 1994+11, rònk de klok va tieën oehr ut soavends, hant vur in ut Trefcentrum ’t Loon de ganse welt bekind gemakd, weë der nujje Poeffel Moeffel 2005 is.
Zoeë sjtols wie de fazantveëre van Prins Marc I loate vur ug mar al te geër wete, dat …

Bea Boskeljon òp vasteloavendszoaterdig d’r 5de fibberwarie um 22.11 oehr in ut Trefcentrum ’t Loon, Ekendervelds hoeëgste en insigste òngersjeijjing in òntvangs maag numme! U vruijke ieëre vieër doamit, dat al sinds 1967 es òngernummer in oos wiehk zig sjtoande hat wete te hoate. Ondanks heftige teëgesjleëg. Doaneëve is ut òg ummer utesjt geïnteresseerd in en steunt ut mit zien aawezigheed ut verenigingsleëve van oos wiehk.

Vieër nuëdige ug va harte oeht d’rbeij te zieë, went vieër ut Bea endlig uns vòl in de sjiehnwerpere zette en dan uns rigtig peëdskuttele!

Ut Poeffele Moeffele begint um 21.11 oehr. Ut is u verkleijd bal, dat d’r vasteloavend rigtig zal inloewwe. Ut weëd un geweldig fès! Geleuf dat mar! En zieëker weil Diezjee Peter Paas vuër de meziek zörgt!

D’r vasteloavend kumpt d’raa en dat gònt vur geër viere. Wedde dat dieër zaat: “Waauw, heij is bend oeht! Ut mòt tog eg neet gekker weëde!” Let mar uns òp! Vur vruije òs d’ròp. Dieër tog òg?

Bis vasteloavendszoaterdig da!

De Aod-Prinse,
Òg names Prins Marc I, Road van Ellef en besjtuur.