Sjlager va 2016
Oehtgebrag: 2015
Teks & meziek: Rob Dijcks & Peter Vincent

koeplet 1
Ut reëgent vasteloavend
Sjpas drüppelt òp d’r kop
Un wolkbreuk va konfettie
Weëd dweile mit d’r mop
Un plensbuij va plezeër
Lieët sjtiege ut nievo
Zoeë krieste heij d’r karneval,
Graat wie ut weër kado

refreng
Kòm heij, kòm heij, leef lüj
Gans Limburg veult zig heppie onger òzze perreplu
Loat goa, leef lüj
Doeh wits, ut doeërt mèr dreij daag lank, gister, murge, hüj
Dus drieën deë perreplu uns um en vang deë sjpas mèr òp
Zoeëdat vur nog get ekstraas hant went sjtraks die buij wèr sjtopt
Kòm heij, kòm heij, leef lüj
Vier mit onger òzze vasteloavesplu

koeplet 2
De zon die wörpt de sjtroale
Wie serpentienes oeht
De hitte lieët òs zjwete
Sjmienk drüpt òs va de hoeht
Ut oehtgesjtruijde leeg
Zet sjpotlaits òp de sjoow
Zoeë krieste heij d’r karneval
Graat wie ut weër, kado

refreng

bruk
Vieër danse durg de sjtroate en âl vilt òp òs neer
Doeh kans dig d’ròp verloate, tis vasteloavesweër

refreng